नुवाकोटको देवीघाटमा नेपाली सेनाले पाँच दिनमै एक्रो ब्रिज जडानको काम सम्पन्न गरेको छ। भोटेकोशीमा आएको बाढीले पक्की पुल बगाएपछि यातायात सम्पर्क विच्छेद भएको थियो।
सेनाको टोलीले निरन्तर खटिएर पुल निर्माण कार्य पूरा गरेको हो। प्रधानमन्त्री तथा मन्त्रिपरिषद् कार्यालयका अनुसार, नयाँ पुल भदौ २६ गतेदेखि पैदलयात्रु र भदौ २७ गतेदेखि सवारी साधनका लागि सञ्चालनमा आउनेछ।
पुल बगाएपछि नुवाकोट र आसपासको यातायात सम्पर्क विच्छेद भएको थियो। सेनाले छोटो समयमै पुल निर्माण गरेपछि स्थानीयवासी, व्यापारी र यात्रुलाई राहत मिलेको छ। गृहमन्त्री सुधन गुरुङले सामाजिक सञ्जालमा ‘मिसन कम्प्लिटेड सक्सेसफुली’ लेख्दै काम सम्पन्न भएको जानकारी दिएका छन्।
