आर्थिक विधेयकबाट १६ पाना हटाएको भन्दै प्रमुख प्रतिपक्षको अर्थमन्त्रीमाथि गम्भीर आरोप

संसदमा दर्ता भइसकेको आर्थिक विधेयकका १६ पाना अर्थमन्त्री डा. स्वर्णिम वाग्लेले हटाएर गम्भीर भूल गरेको प्रमुख प्रतिपक्ष नेकपाले आरोप लगाएको छ।

बुधवार संघीय संसद सचिवालय परिसरमा सञ्चारकर्मीहरूसँग कुरा गर्दै नेकपाका सांसद रमेशकुमार मल्लले संसदको सम्पत्ति मानिने आर्थिक विधेयकमा अर्थमन्त्रीले आफूखुशी गरेको भन्दै आपत्ति जनाए।

सांसद मल्लले वर्तमान सरकारले कानुनी प्रक्रिया मिच्दै गएको आरोप लगाए। संसदमा पेश भइसकेको विधेयक फिर्ता लिने वा नलिने निर्णय संसदले मात्र गर्न सक्ने उनको भनाइ थियो।