प्रदेश सरकारले हेर्ने गरी कृषि, पशुपन्छी तथा जडीबुटी बीमाको नयाँ कार्यविधि २०८३ जारी भएको छ। यसले किसानलाई १ करोड रुपैयाँसम्मको बीमाङ्क रकममा ८० प्रतिशत अनुदान प्रदान गर्नेछ। १ करोड रुपैयाँभन्दा माथिको थप बीमाङ्क रकममा ५० प्रतिशत अनुदान दिइनेछ।
स्वर्णिमले बिजुलीमा भ्याट लगाएपछि विराजभक्तले महसुल घटाउने तयारी गरेको बुझिएको छ। नेपाल राष्ट्र बैंकले बजारमा तरलता व्यवस्थापनका लागि ३५ अर्ब रुपैयाँको निक्षेप सङ्कलन गर्ने भएको छ।
भोजपुरमा रायो र मुला खेतीलाई व्यावसायिक रूपमा विस्तार गर्ने अभियान सुरु भएको छ। टेम्केमैयुङ गाउँपालिकाले सिद्धकाली एग्रो भोजपुर प्रालिसँग सहकार्य गरी किसानलाई उन्नत बीउ अनुदानमा वितरण गर्नेछ। किसानले उत्पादन गरेको कृषि उपजको न्यूनतम समर्थन मूल्य निर्धारण गरी ‘खरिदपूर्व सम्झौता’मार्फत बजारको व्यवस्था गरिनेछ। यस आर्थिक वर्ष २०८३/८४ मा २२ लाख किलो कृषि उपज खरिद गर्ने तयारी छ।
एनसेलले अन्तर्राष्ट्रिय आउटगोइङ् कलमा ६० सेकेन्ड पल्स दर लागू गरेको छ। बेनी सेक्युरिटिजलाई नेप्सेले तीन दिनका लागि निलम्बनमा राखेको छ।
