नेपाल राष्ट्र बैंकले बुधबारका लागि अमेरिकी डलर एकको बिक्रीदर १५२ रुपैयाँ ७३ पैसा तोकेको छ। केन्द्रीय बैंकले सार्वजनिक गरेको विवरणअनुसार खरिददर १५२ रुपैयाँ १३ पैसा कायम छ।
युरोपेली युरो १ को खरिददर १७७ रुपैयाँ १९ पैसा र बिक्रीदर १७७ रुपैयाँ ८८ पैसा निर्धारण गरिएको छ। युके पाउन्ड स्टर्लिङ एकको खरिददर २०४ रुपैयाँ ९० पैसा र बिक्रीदर २०५ रुपैयाँ ७० पैसा तोकिएको छ।
अष्ट्रेलियन डलर एकको खरिददर १०९ रुपैयाँ २६ पैसा र बिक्रीदर १०९ रुपैयाँ ६९ पैसा छ। क्यानेडियन डलर एकको खरिददर १०९ रुपैयाँ ८३ पैसा र बिक्रीदर ११० रुपैयाँ २५ पैसा निर्धारण गरिएको छ।
राष्ट्र बैंकले यो विनिमय दर आवश्यकतानुसार जुनसुकै समयमा संशोधन गर्न सक्ने जनाएको छ। वाणिज्य बैंकहरूले तोक्ने दर भने फरक हुन सक्नेछ।
