स्थानीय बजारमा सोमबार सुनको मूल्य प्रतितोला पाँच हजार रुपैयाँले बढेको छ। आइतबार प्रतितोला दुई लाख ९३ हजार २०० रुपैयाँमा कारोबार भएको सुन सोमबार बढेर दुई लाख ९८ हजार २०० रुपैयाँ कायम भएको छ।
त्यस्तै, चाँदीको मूल्यमा पनि प्रतितोला १२० रुपैयाँको बढोत्तरी भएको छ। आइतबार प्रतितोला चार हजार ८९५ रुपैयाँमा खरिदबिक्री भएको चाँदी सोमबार पाँच हजार १५ रुपैयाँ पुगेको नेपाल सुनचाँदी व्यवसायी महासंघले जनाएको छ।
महासंघले अन्तर्राष्ट्रिय बजारको उतारचढावका आधारमा दैनिक रूपमा सुनचाँदीको कारोबार मूल्य निर्धारण गर्दै आएको छ।
