काठमाडौंका १७ सुकुमवासी बस्तीबाट विस्थापित २ हजार ६०८ परिवारमध्ये ४६५ ले मात्र सरकारी राहत पाएका छन्।
सरकार गठनको सय दिन पूरा भएको अवसरमा शनिबार आयोजित पत्रकार सम्मेलनमा यो राहत वितरणको जानकारी दिइएको हो।
मन्त्रिपरिषद्को गत ५ जेठको निर्णयले प्रतिपरिवार २५ हजार रुपैयाँ राहत प्रदान गरेको सरकारले जनायो।
यसअघि गत ११ वैशाखमा सहरी विकास मन्त्रालयले गरेको निर्णय अनुसार काठमाडौंका १७ सुकुमवासी बस्तीबाट कुल २ हजार ६०८ परिवार विस्थापित भएका थिए।
विस्थापितमध्ये हालसम्म ३८८ परिवारलाई सरकारले ‘होल्डिङ सेन्टर’ मा राखेको छ।
बाँकी २ हजार २२० परिवार भने ‘होल्डिङ सेन्टर’ बाहिर नै रहँदै आएका छन्।
