पृथ्वीराजमार्गको कृष्णभिर खण्ड त्रिशूली नदीले कटान गर्दा पूर्ण रूपमा अवरुद्ध भएको छ। बेनिघाट रोराङ गाउँपालिका–७ मा सडक भासिएपछि यातायात ठप्प भएको छ।
धादिङको गजुरी गाउँपालिका–२ स्थित परेवाभिरमा पनि बाढीले सडकको तल्लो भाग भासिएको छ। यसले यातायात ठप्प भएको छ।
मुगुबाट गमगढी जाने सडक अविरल वर्षाका कारण अवरुद्ध छ। ओखलढुङ्गाको सिद्धिचरण लोकमार्गको मानेभञ्ज्याङ खण्ड पनि बन्द छ।
प्रहरी प्रधान कार्यालयका अनुसार लमजुङको बेँशीसहर–मनाङ सडक पनि पूर्ण रूपमा अवरुद्ध छ।
