हेटौँडा–काठमाडौँ जोड्ने छोटो दूरीको हेटौँडा-कुलेखानी-फाखेल सडकखण्ड जेठ १५ गतेदेखि एक महिनाका लागि पूर्ण रूपमा बन्द गरिएको छ । इन्द्रसरोवर गाउँपालिका वडा नम्बर २ स्थित महालक्ष्मी खोलामा पक्की पुल निर्माण र सडक ढलानको कार्य सुरु हुने भएकाले सवारी साधन आवतजावतमा रोक लगाइएको हो।
पूर्वाधार विकास कार्यालय, हेटौँडाले निर्माण कार्यका लागि सडक बन्द गर्न जिल्ला प्रशासन कार्यालय मकवानपुरलाई आग्रह गरेको थियो। चालू आर्थिक वर्ष २०८२/८३ भित्रै काम सम्पन्न गर्नुपर्ने दबाब छ। सडकमा सवारी साधनको अत्यधिक चापले निर्माण कार्यमा अवरोध आउने र यात्रुले सास्ती भोग्नुपर्ने भएकाले सडक बन्द गरिएको हो।
यात्रु तथा सवारी धनीहरूलाई हेभी-सिस्नेरी-दक्षिणकाली-फर्पिङ सडक खण्डलाई वैकल्पिक मार्गको रूपमा प्रयोग गर्न आग्रह गरिएको छ।
