मानव बेचबिखन तथा ओसारपसार र जबरजस्ती करणी मुद्दामा इन्टरपोलबाट रेड नोटिस जारी भएका फरार प्रतिवादी मो. ताहिर राईन कतारमा पक्राउ परेका छन्। राईन धनुषाको धनौजी गाउँपालिका-५ का बासिन्दा हुन्।
उनलाई कतारस्थित नेपाली दूतावासको समन्वयमा कतार प्रहरीले पक्राउ गरेको हो। पक्राउ परेका राईनलाई कारबाही प्रक्रिया अगाडि बढाउनका लागि सोमबार बिहान नेपाल फिर्ता ल्याइएको छ।
उक्त मुद्दामा संलग्न भई फरार रहेका राईनलाई अन्तर्राष्ट्रिय स्तरमा खोजतलास तथा पक्राउ गर्नका लागि नेपाल प्रहरीको इन्टरपोल शाखाको अनुरोधमा इन्टरपोल महासचिवालयले २०८३ साउन १२ गते रेड नोटिस जारी गरेको थियो।
विज्ञापन
जिल्ला प्रहरी कार्यालय धनुषाले राईनलाई सम्बन्धित कसूर बमोजिम कानूनी कारबाहीका लागि बुझाइएको नेपाल प्रहरी प्रधान कार्यालय इन्टरपोल शाखाले जनाएको छ।
