भारतले भदौ १० गते नेपालमा आएको विनाशकारी बाढीपछिको राहत तथा उद्धार अभियानका लागि थप ११ टन मानवीय सहायता सामग्री पठाएको छ।
औषधि, फोरेन्सिक सामग्री, पाल, हाइजिन किट र स्लिपिङ ब्याग जस्ता अत्यावश्यक सामग्रीसहितको यो सहायता शनिबार नेपाल आइपुगेको हो।
भारतीय विदेशमन्त्री एस जयशंकरले सामाजिक सञ्जाल एक्समार्फत नेपाललाई यो थप सहायता पठाइएको जानकारी दिएका छन्। उनले भारतले नेपालको पुनर्लाभमा सहयोग जारी राख्ने प्रतिबद्धता व्यक्त गरेका छन्।
