गत आर्थिक वर्षमा झापामा प्राकृतिक विपद्का घटनामा ११ जनाको मृत्यु भएको छ। २२ करोड ७४ लाख ६० हजार नौ सय ५९ रुपैयाँ बराबरको क्षति भएको छ।
जिल्ला प्रहरी कार्यालयका सूचना अधिकारी रञ्जन अवाका अनुसार ३५९ विपद्का घटना अभिलेख भएका थिए। ती घटनामा ३७ जना घाइते भएका थिए।
घटनामध्ये १५६ वटा आगलागीका थिए। जंगली हात्ती र वन्यजन्तु आक्रमणका ९४, हुरीका ५२, बाढी तथा डुबानका ३५, चट्याङका २२ घटना थिए।
विपद्ले आगलागीमा दुई, वन्यजन्तु आक्रमणमा छ, हुरीमा एक, चट्याङमा दुई जनाको ज्यान लियो।
आठ हजार नौ सय १४ चौपाया तथा पशुपन्छी मरेका छन्। हुरीबाट तीन हजार २०, आगलागीबाट पाँच हजार ६६२ पशुपन्छी हताहत भएका थिए।
सूचना अधिकारी अवाका अनुसार आगलागीबाट १५ करोड २२ लाखभन्दा बढी क्षति भयो। बाढी तथा डुबानबाट छ करोड ३४ लाख बराबरको क्षति भएको छ।
