काठमाडौँ उपत्यकाका ९५ शैक्षिक परामर्श (कन्सल्टेन्सी) संस्थामाथि ठगी र अवैध कारोबारको आशंकामा उपत्यका अपराध अनुसन्धान कार्यालयले छापा मारेको छ।
प्रहरीले शुक्रबार विभिन्न स्थानमा छापा मार्दै ६९ जनालाई नियन्त्रणमा लिएको छ।
प्रहरीले शैक्षिक परामर्शका नाममा भइरहेको ठगी, अवैध कारोबार तथा कागजातसम्बन्धी अनियमितताको आशंकामा यो अनुसन्धान थालेको हो।
कार्यालयका एसपी रामेश्वर कार्कीका अनुसार पक्राउ परेकाहरूमाथि स्क्रिनिङ गरी थप अनुसन्धान अघि बढाइनेछ।
