न्युरोडको खिचापोखरीस्थित आरबी कम्प्लेक्समा रहेको ‘स्माइल योर च्वाइस’ पसल र दुई गोदामबाट प्रहरीले २८ हजार ५ सय थान अवैध भेप बरामद गरेको छ। बरामद भेपको बजार मूल्य करिब ६ करोड रुपैयाँ अनुमान गरिएको छ।
सोमबार साँझ न्युरोडको एक गोदाममा प्रहरीले छापा मारेको थियो। उपत्यका अपराध अनुसन्धान कार्यालयका एसएसपी सन्तोष खड्काले रातोपाटीलाई दिएको जानकारीअनुसार बरामद भेप टेकुस्थित कार्यालयमा ल्याइएको छ।
प्रहरीले अवैध भेप निर्यातमा संलग्न ललितपुरका ३२ वर्षीय नवीन खड्कालाई पक्राउ गरेको छ। खड्का महालक्ष्मी नगरपालिका–८ का स्थायी बासिन्दा हुन्।
