काठमाडौं उपत्यकामा डुबानको जोखिम बढेको छ। देशभर मनसुन सक्रिय भएसँगै जल तथा मौसम पूर्वानुमान महाशाखाले आज राति र भोलि उपत्यकामा वर्षाको सम्भावना औंल्याएको छ। यस अवधिमा नदीखोलाको जल सतह बढ्ने भएकाले किनारका बासिन्दालाई सतर्क रहन अनुरोध गरिएको छ।
महाशाखाका विनोद पराजुलीका अनुसार होचा स्थान, नदी तथा खोला किनार र आसपास बस्ने नागरिकले उच्च सतर्कता अपनाउनुपर्छ। देशभर मनसुन सक्रिय भएकाले अधिकांश स्थानमा वर्षा हुने सम्भावना छ।
