आगामी दुई दिन लुम्बिनी, वाग्मती र मधेस प्रदेशका दक्षिणी भूभागहरूमा भारी वर्षा हुने सम्भावना छ। मौसमविद् विनोद पोखरेलले भारी वर्षा गराउने अनुकूल वातावरण विगत १० घण्टादेखि बनिरहेको बताए।
हाल नेपालमा उपल्लो वायुमण्डलमा रहेको पश्चिमी न्यूनचापीय रेखा र स्थानीय वायुको प्रभावले मौसम प्रभावित छ। यसका कारण देशका केही स्थानमा वर्षाको सम्भावना छ।
दिउँसो देशभर आंशिकदेखि सामान्य बदली रहनेछ। कोसी, वाग्मती, गण्डकी र लुम्बिनी प्रदेशका हिमाली तथा पहाडी क्षेत्रका केही स्थानमा मेघगर्जन/चट्याङसहित मध्यम वर्षा वा हिमपातको सम्भावना छ।
मधेस, कोसी, वाग्मती र गण्डकी प्रदेशका तराई क्षेत्र, कर्णाली र सुदूरपश्चिम प्रदेशका हिमाली तथा पहाडी क्षेत्रका थोरै स्थानमा, तथा लुम्बिनी र सुदूरपश्चिम प्रदेशका तराई क्षेत्रका एक-दुई स्थानमा मेघगर्जन/चट्याङसहित मध्यम वर्षा वा हिमपातको पूर्वानुमान छ।
राति देशभर आंशिकदेखि सामान्य बदली रहनेछ। सुदूरपश्चिम र लुम्बिनी प्रदेशका पहाडी र तराई क्षेत्र, कोसी, मधेस, वाग्मती, गण्डकी प्रदेशका केही स्थानहरू तथा कर्णाली प्रदेशका पहाडी क्षेत्रका थोरै स्थानमा मध्यम वर्षा वा हिमपातको सम्भावना छ।
लुम्बिनी, कर्णाली र सुदूरपश्चिम प्रदेशका हिमाली क्षेत्रका एक-दुई स्थानमा मेघगर्जन र चट्याङसहित मध्यम वर्षा वा हिमपातको सम्भावना रहेको विभागले जनाएको छ।
केही दिनयता तातो हावाको लहरको पूर्वानुमान गरिरहेको विभागले आज यस्तो चेतावनी दिएको छैन। यसको सट्टा देशका धेरै स्थानमा वर्षाको सम्भावना देखिएको छ।
