मधेस प्रदेशका मुख्यमन्त्री कृष्ण प्रसाद यादव आइतबार दुई दिने फिलिपिन्स भ्रमणमा प्रस्थान गरेका छन्।
प्रदेशको कृषि क्षेत्रलाई सुदृढ, आधुनिक र उत्पादनमुखी बनाउने उद्देश्यले यादव फिलिपिन्स पुगेका हुन्। उनको सचिवालयले यो जानकारी दिएको छ।
भ्रमणका क्रममा फिलिपिन्सको कृषि विकास, आधुनिक प्रविधिको प्रयोग, उत्पादन वृद्धि र किसान क्षमता अभिवृद्धिसम्बन्धी अभ्यास तथा अनुभवबारे अध्ययन गरिनेछ।
यो भ्रमणले मधेस प्रदेशको कृषि क्षेत्रलाई बलियो बनाउनेछ। यसले किसानको आयआर्जन वृद्धि गर्नेछ। कृषिमा आधुनिक प्रविधिको विस्तार हुनेछ।
