जनकपुरधाम । मधेश प्रदेशका अर्थमन्त्री महेशप्रसाद यादव र समाजकल्याण तथा खेलकुद मन्त्री वसन्त कुशवाहाले राजीनामा बुझाएका छन्। मुख्यमन्त्री कृष्णप्रसाद यादवको निर्देशनपछि उनीहरूले पद त्यागेका हुन्।
जनमत पार्टीले गत वैशाख २१ गते मधेश सरकारबाट समर्थन फिर्ता लिएको थियो। समर्थन फिर्ता लिएको करिब दुई सातापछि मन्त्रीहरूले राजीनामा दिएका हुन्।
मुख्यमन्त्री यादवले नेकपा एमालेलाई सरकारमा ल्याएर जसपा नेपाललाई बाहिर निकाल्ने तयारी गरेका छन्। यसै क्रममा उनले जसपाका मन्त्रीहरूलाई राजीनामा दिन निर्देशन दिएका थिए।
तर, जसपाका मन्त्रीहरूले भने अहिलेसम्म राजीनामा बुझाएका छैनन्। उनीहरूलाई बर्खास्त गर्ने तयारी भइरहेको छ।
