मिथिला कमान्ड र भोजपुरा कमान्डको नेतृत्वमा मिटरब्याज पीडितहरूले जेठ १९ गते धनुषा जिल्ला अदालत घेराउ गर्ने घोषणा गरेका छन्। १२ दिनदेखि आन्दोलनरत पीडितहरूले राज्यले माग सम्बोधन नगरेको आरोप लगाएका छन्।
जनकपुरधाममा बिहीबार पत्रकार सम्मेलन गर्दै किसान मजदुर आन्दोलन, नेपाल मिथिला कमान्डले घेराउबारे जानकारी दिएको हो। मोहन महतोले १२ दिनसम्म पनि पीडितहरूको कुरा नसुनेको बताए। मिटरब्याज धनीहरूले समेत छलफलमा वास्ता नगरेको उनको आरोप छ।
समस्या समाधान नभएसम्म आन्दोलन जारी रहने महतोले बताए। उनले धनुषा जिल्ला अदालत घेराउका लागि मधेस प्रदेशभरबाट ८ देखि १० हजार पीडित सहभागी हुने अनुमान व्यक्त गरे।
