अर्थमन्त्री डा. स्वर्णिम वाग्लले आर्थिक वर्ष २०८३-८४ को बजेटमार्फत मासिक १० लाख रुपैयाँसम्म आम्दानी गर्ने व्यक्तिलाई आयकर नलाग्ने घोषणा गरेका छन्। यो निर्णयले मध्यम वर्गका लागि ठूलो राहत ल्याउने अपेक्षा गरिएको छ।
यसअघि आयकर ऐन, २०५८ अनुसार एकल व्यक्तिको हकमा वार्षिक ५ लाख रुपैयाँसम्म र दम्पतीको हकमा ६ लाख रुपैयाँसम्मको आयमा १ प्रतिशत सामाजिक सुरक्षा कर मात्र लाग्दै आएको थियो।
त्यसभन्दा माथिको आम्दानीमा भने विभिन्न दरमा कर लाग्दथ्यो। जसमा थप २ लाखमा १० प्रतिशत, त्यसपछिको ३ लाखमा २० प्रतिशत, अर्को १० लाखमा ३० प्रतिशत र त्यसपछिको ३० लाखमा ३६ प्रतिशत कर लाग्ने व्यवस्था थियो। ५० लाखभन्दा बढी आम्दानीमा भने ३९ प्रतिशत कर लाग्दथ्यो।
नयाँ व्यवस्थाअनुसार, वार्षिक १० लाख रुपैयाँसम्म कमाउनेले अब केवल १ प्रतिशत मात्र कर तिर्नुपर्नेछ। यसले नेपालको ठूलो जनसंख्या रहेको मध्यम आय भएका वर्गलाई प्रत्यक्ष लाभ पुग्नेछ। १० लाखभन्दा बढी आम्दानी गर्नेले भने यथावत कर तिर्नुपर्नेछ।
