मुख्य सामग्रीमा जानुहोस्
Nmkhabar
EN
एनपीएल लाइभ स्कोर, अंक तालिका र तालिका अंक तालिका ›

मोरङमा बसको ठक्करबाट सशस्त्र प्रहरी सहायक हवल्दारको मृत्यु

मोरङको बूढीगंगामा बसको ठक्करबाट सशस्त्र प्रहरी सहायक हवल्दार सुदीप खड्काको मृत्यु भएको छ। उपचारका क्रममा ज्यान गुमाएका खड्का सशस्त्र प्रहरी बल, सप्तरीमा कार्यरत थिए। प्रहरीले बस चालकलाई नियन्त्रणमा लिई घटनाको अनुसन्धान गरिरहेको छ।
Nmkhabar डेस्क
१ मिनेट पढाइ
आकार:
सशस्त्र प्रहरीको मृत्यु
Share:
१३२

मोरङको बूढीगंगामा बसले मोटरसाइकललाई ठक्कर दिँदा सशस्त्र प्रहरी सहायक हवल्दारको मृत्यु भएको छ। सोमबार साँझ कोशी लोकमार्गअन्तर्गत नेमुवा चोकमा भएको दुर्घटनामा सशस्त्र प्रहरी बल नेपाल, बीओपी स्वर्णपट्टी, सप्तरीमा कार्यरत ३६ वर्षीय सुदीप खड्काको ज्यान गएको हो।

पश्चिमबाट पूर्वतर्फ बाटो काट्दै गरेको प्र १–०४–००४ प ०३४६ नम्बरको मोटरसाइकललाई वीरगन्जबाट विराटनगरतर्फ आउँदै गरेको को १ ख ७९१३ नम्बरको बसले ठक्कर दिएको थियो। प्रहरीका अनुसार दुर्घटना साँझ करिब ५:३० बजे भएको थियो।

दुर्घटनामा मोटरसाइकल चालक खड्का गम्भीर घाइते भएका थिए। उनको टाउको, छाती, हातखुट्टालगायत शरीरका विभिन्न भागमा चोट लागेको थियो। उपचारका लागि विराट शिक्षण अस्पताल लगिएकामा साँझ ६:५२ बजे चिकित्सकले मृत घोषणा गरेका हुन्।

विज्ञापन

प्रहरीले बस चालक सुनसरीको रामधुनी नगरपालिका–५ शिवचोकका ४८ वर्षीय राजन दाहाललाई नियन्त्रणमा लिएको छ। दुवै सवारीसाधन प्रहरीको नियन्त्रणमा राखिएको छ भने घटनाबारे थप अनुसन्धान भइरहेको मोरङ ट्राफिक प्रहरी प्रमुख इन्स्पेक्टर सन्तोष न्यौपानेले जानकारी दिए।

विज्ञापन
Nmkhabar डेस्क

Nmkhabar डेस्क

संवाददाता · Nmkhabar

Nmkhabar डेस्क Nmkhabar को सम्पादकीय डेस्क हो। यस नाममा प्रकाशित समाचार सरकारी निकाय, अदालत, संसद, नेपाल राष्ट्र बैंक तथा अन्तर्राष्ट्रिय संस्थाका आधिकारिक स्रोत र विश्वसनीय सूचनाका आधारमा तयार गरिन्छन्, र प्रकाशनअघि तथ्य तथा भाषाको सम्पादकीय जाँच गरिन्छ। हाम्रो सम्पादकीय र एआई प्रयोग नीति: https://nmkhabar.com/ai-policy/ । कुनै त्रुटि भेटिएमा info@nmkhabar.com मा जानकारी दिनुहोस्, हामी तुरुन्त सच्याउँछौँ।

थप समाचार