मुगुको खत्याड गाउँपालिका–२ सेरी गाउँमा आगलागी हुँदा सिपचन्द्र बुढा र धन बुढाका दुई घर पूर्णरूपमा जलेर नष्ट भएका छन्।
जिल्ला प्रशासन कार्यालय मुगुले घटनाको विवरण संकलन गर्न घटनास्थलमा टोली खटाएको छ।
कर्णाली प्रदेशका मुख्यमन्त्री मंगलबहादुर शाहीले आगलागीबाट भएको क्षतिप्रति दुःख व्यक्त गरेका छन्। उनले पीडित परिवारलाई आवश्यक राहत तथा क्षतिपूर्तिको व्यवस्था गर्न प्रदेश सरकारका तर्फबाट पहल गरिने बताएका छन्।
घटनाको विस्तृत क्षतिको विवरण मुचुल्का तयार भएपछि मात्र खुल्नेछ।
