मुख्य सामग्रीमा जानुहोस्
Nmkhabar
EN
एनपीएल लाइभ स्कोर, अंक तालिका र तालिका अंक तालिका ›

मुस्ताङबाट ५९० कार्टुन भेपसहित दुई कन्टेनर नियन्त्रणमा

मुस्ताङको लोमान्थाङबाट ५९० कार्टुन चिनियाँ भेपसहित दुई कन्टेनर नियन्त्रणमा लिइएको छ। सशस्त्र प्रहरीले तीन जनालाई पक्राउ गरी थप अनुसन्धानका लागि प्रहरीमा बुझाएको छ।
Nmkhabar डेस्क
१ मिनेट पढाइ
आकार:
Share:
२१९

मुस्ताङको लोमान्थाङ गाउँपालिका–४ एक्लेभट्टीबाट ५९० कार्टुन चिनियाँ इलेक्ट्रिक चुरोट (भेप)सहित दुई कन्टेनर नियन्त्रणमा लिइएको छ। सशस्त्र प्रहरी बलले जेठ १ गते राति कोरोला नाकाबाट काठमाडौंतर्फ आउँदै गरेका ना ६ ख ४७४३ र ना ५ ख ७९२१ नम्बरका कन्टेनरबाट उक्त सामान बरामद गरेको हो।

घटनामा संलग्न आरोपमा धादिङ धुनीबेंसी–१ का सन्तोष लामा, सिन्धुपाल्चोक भोटेकोशी–२ का फुन्चुदोर्जे तामाङ र सोही गाउँपालिका–३ का पासाङ शेर्पा पक्राउ परेका छन्। सशस्त्र प्रहरी बल नेपाल बोर्डर आउटपोस्ट नेचुङ, नेपाल प्रहरी र मुस्ताङ भन्सार कार्यालयको संयुक्त टोलीले उनीहरूलाई नियन्त्रणमा लिएको हो।

बरामद सामानमा ५९० कार्टुन भेपबाहेक २ सय ५९ कार्टुन जुत्ता, ८ बोरा मोजा, १५ बोरा लत्ताकपडा र १५ किलो खाली कार्टुन बक्स छन्। पक्राउ परेका व्यक्तिलाई थप अनुसन्धानका लागि नेपाल प्रहरीलाई बुझाइएको छ। बरामद सामान मुस्ताङ भन्सार कार्यालयमा पठाइएको सशस्त्र प्रहरीका प्रवक्ता डीआईजी विष्णु प्रसाद भट्टले जानकारी दिए।

विज्ञापन
Nmkhabar डेस्क

Nmkhabar डेस्क

संवाददाता · Nmkhabar

Nmkhabar डेस्क Nmkhabar को सम्पादकीय डेस्क हो। यस नाममा प्रकाशित समाचार सरकारी निकाय, अदालत, संसद, नेपाल राष्ट्र बैंक तथा अन्तर्राष्ट्रिय संस्थाका आधिकारिक स्रोत र विश्वसनीय सूचनाका आधारमा तयार गरिन्छन्, र प्रकाशनअघि तथ्य तथा भाषाको सम्पादकीय जाँच गरिन्छ। हाम्रो सम्पादकीय र एआई प्रयोग नीति: https://nmkhabar.com/ai-policy/ । कुनै त्रुटि भेटिएमा info@nmkhabar.com मा जानकारी दिनुहोस्, हामी तुरुन्त सच्याउँछौँ।

थप समाचार