नबिल बैंकले १० वर्षका लागि ४ अर्ब रुपैयाँ बराबरको ४० लाख कित्ता ऋणपत्र निष्कासन गर्ने भएको छ। ग्लोबल आइएमई क्यापिटललाई बिक्री प्रबन्धक नियुक्त गरिएको छ।
बैंक र ग्लोबल आइएमई क्यापिटलबीच सम्झौता भएको छ। नबिल बैंकका प्रमुख कार्यकारी अधिकृत मनोजकुमार ज्ञवाली र ग्लोबल आइएमई क्यापिटलका प्रमुख कार्यकारी अधिकृत मन्दीप लुइँटेलले हस्ताक्षर गरेका छन्।
नबिल डिबेञ्चर २०९३ नामक ऋणपत्रको प्रति कित्ता अंकित मूल्य १,००० रुपैयाँ छ। यसको अवधि १० वर्षको हुनेछ। वार्षिक ब्याजदर ५.५ प्रतिशत दिइनेछ।
कुल ४ अर्ब रुपैयाँ बराबरको ऋणपत्रमध्ये २४ लाख कित्ता व्यक्तिगत तवरबाट बिक्री गरिनेछ। यसबाट २ अर्ब ४० करोड रुपैयाँ जुट्नेछ।
१६ लाख कित्ता ऋणपत्र सार्वजनिक निष्कासनमा आउनेछ। यसमध्ये ५ प्रतिशत अर्थात ६५,००० कित्ता ऋणपत्र सामूहिक लगानी कोषका लागि छुट्याइएको छ।
नबिल बैंकले २६ लाखभन्दा बढी ग्राहकलाई २६३ शाखा र ३१५ एटीएममार्फत सेवा प्रदान गर्दछ। बैंकले चार दशकदेखि गुणस्तरीय बैंकिङ सेवा दिँदै आएको छ।
