संवैधानिक परिषद्ले सर्वोच्च अदालतका चौथो वरीयताका न्यायाधीश डा. मनोजकुमार शर्मालाई प्रधानन्यायाधीशमा सिफारिस गरेपछि नेपाल बार एसोसिएसनको आकस्मिक बैठक आज दिउँसो २ बजे बस्दैछ।
बारका अध्यक्ष डा. विजय मिश्रले जानकारी दिएअनुसार, बिहीबार बसेको संवैधानिक परिषद्को बैठकले डा. शर्मालाई भावी प्रधानन्यायाधीशका रूपमा सिफारिस गरेपछि बारले यसबारे धारणा बनाउन बैठक बोलाएको हो।
बैठकमा बारका सल्लाहकार, संविधानविद्, कानुनविद् र पूर्वपदाधिकारीलाई आमन्त्रण गरिएको छ। उनीहरूले दिएको सुझावपछि बारले आफ्नो आधिकारिक धारणा सार्वजनिक गर्ने अध्यक्ष झाले बताए।
