चालु आर्थिक वर्षको ९ महिनामा १६ खर्ब ५९ अर्ब रेमिटेन्स भित्रियो
चालु आर्थिक वर्षको ९ महिनामा नेपालमा १६ खर्ब ५९ अर्ब ४१ करोड रुपैयाँ रेमिटेन्स भित्रिएको छ। यो अघिल्लो वर्षको सोही अवधिको तुलनामा ३९.१ प्रतिशतले बढी हो।
नेपाल राष्ट्र बैंकका अनुसार अघिल्लो वर्षको सोही अवधिमा रेमिटेन्स १०.२ प्रतिशतले बढेको थियो।
चैत महिनामा २ खर्ब ९ अर्ब रेमिटेन्स
चैत महिनामा मात्रै २ खर्ब ९ अर्ब ७५ करोड रुपैयाँ रेमिटेन्स भित्रिएको छ। अघिल्लो वर्षको चैत महिनामा १ खर्ब ३९ अर्ब ५४ करोड रुपैयाँ रेमिटेन्स आएको थियो।
पुनः श्रम स्वीकृतिले रेमिटेन्समा वृद्धि
वैदेशिक रोजगारीमा जाने नयाँ श्रमिकको संख्यामा कमी आएको छ। तर, पुनः श्रम स्वीकृति लिनेको संख्या बढ्दा रेमिटेन्समा उल्लेख्य वृद्धि देखियो।
