एनआईसी एशिया बैंकले रसुवाको नौकुण्ड गाउँपालिकामा रहेको ७.२९ मेगावाट क्षमताको फलाखु खोला जलविद्युत आयोजनामा ९५ करोड २० लाख रुपैयाँ लगानी गर्ने समझदारी गरेको छ। बैंकका सहायक प्रमुख कार्यकारी अधिकृत जयन्द्र रावल र रसुवा हाइड्रोपावर लिमिटेडका अध्यक्ष दीपक थापाले समझदारीपत्रमा हस्ताक्षर गरेका हुन्।
यो लगानीले आयोजनाको निर्माण कार्यलाई गति दिने अपेक्षा गरिएको छ। आयोजनाबाट वार्षिक करिब ३८.७४ गिगावाट आवर विद्युत उत्पादन हुनेछ। यसले राष्ट्रिय ग्रिडमा योगदान पुर्याउनेछ।
नेपाल सरकारको स्वच्छ ऊर्जा उत्पादन लक्ष्यलाई सहयोग पुर्याउने उद्देश्यले अगाडि सारिएको यस आयोजना दुई वर्षभित्र सम्पन्न गर्ने लक्ष्य छ। यस लगानीले मुलुकको आर्थिक वृद्धि र स्वच्छ वातावरणीय पक्षमा टेवा पुग्ने बैंकको विश्वास छ।
