नेपाल इन्भेष्टमेन्ट मेगा बैंक (एनआईएमबी) का प्रमुख कार्यकारी अधिकृत (सीईओ) ज्योतिप्रकाश पाण्डे ८० लाख रुपैयाँ धरौटीमा रिहा भएका छन्। स्मार्ट टेलिकमले बैंकमा धितो राखेको सम्पत्ति लिलाम गरेको अभियोगमा उनीविरुद्ध मुद्दा दायर गरिएको थियो।
काठमाडौं जिल्ला अदालतका न्यायाधीश कमलकान्त जोशीको इजलासले पाण्डेलाई ८० लाख रुपैयाँ धरौटीमा रिहा गर्न आदेश दिएको हो। अदालतका सूचना अधिकारी शिव खतिवडाले यो जानकारी पुष्टि गरेका छन्।
यो आदेशसँगै पाण्डेले अब निर्वाधरुपमा बैंकको कामकारबाही अघि बढाउन सक्नेछन्।
