पाँचथरको याङवरक गाउँपालिकामा रातिको बाढी र पहिरोले मध्यपहाडी लोकमार्ग अवरुद्ध पारेको छ। ओयाम बजार नजिकै पहिरो झरेको छ। फलैचा र च्याङथापुका खेत बगाएको छ। च्याङथापुमा दुई घरमा क्षति पुगेको छ।
पाँचथरबाट ताप्लेजुङ जाने सडकखण्डको इन्द्रावती खोलाको पुलमा क्षति पुगेको छ। तमोर करिडोरको निर्माणाधीन लिम्बुनी पुलमा पनि असर परेको छ। छिमेकी जिल्ला ताप्लेजुङको सिदिङवा गाउँपालिकामा पनि बाढीपहिरोले क्षति गरेको छ। कावेली र तमोर नदीमा बाढी आएको छ।
पाँचथरका प्रहरी प्रमुख डीएसपी अनिश कर्णले क्षतिको विवरण संकलन भइरहेको जानकारी दिए।
