सांसदका स्वकीयलाई महँगी र प्रोत्साहन भत्ता नदिइने
सांसदका स्वकीय सचिवले महँगी र प्रोत्साहन भत्ता नपाउने भएका छन्। सरकारले सांसददेखि सभामुख, उपसभामुख, राष्ट्रिय सभाका अध्यक्ष, उपाध्यक्ष, विपक्षी दलका नेता, प्रमुख सचेतक, सचेतक र संसदीय समितिका सभापतिका स्वकीयलाई सुरु स्केल अनुसारको तलब मात्र दिने निर्णय गरेको छ।
असार ३० गतेको मन्त्रिपरिषद्को निर्णय अनुसार कानुन मन्त्रालयले सोमबार स्वकीयको सुविधा सम्बन्धमा राजपत्रमा सूचना निकालेको छ। सूचना अनुसार सांसदका स्वकीय अधिकृत स्तरका हुनेछन्। तर उनीहरूले अधिकृत तहका कर्मचारीले पाउने तलबभन्दा मासिक १० हजार रुपैयाँ कम पाउनेछन्।
यो निर्णयले सांसदहरूका स्वकीय सचिवहरूको तलब र सुविधामा कटौती गरेको छ। कानुन मन्त्रालयले राजपत्रमा सूचना प्रकाशित गरिसकेकाले यो निर्णय तत्काल कार्यान्वयनमा आउनेछ।
