पर्वतको फलेवास नगरपालिका–५ मा शुक्रबार साँझ चट्याङ लागेर एक महिलाको मृत्यु भएको छ। स्थानीय खानीगाउँकी ५५ वर्षीया सीता लामिछानेको प्रदेश अस्पताल पर्वतमा उपचारका क्रममा शनिबार मृत्यु भएको हो।
जिल्ला प्रहरी कार्यालय पर्वतका सूचना अधिकारी एवं प्रहरी निरीक्षक राजनकुमार पटेलका अनुसार लामिछाने घरभित्र बसिरहेको अवस्थामा एक्कासी चट्याङ परेको थियो। चट्याङको कारण उनी गम्भीर घाइते भई बेहोस भएकी थिइन्।
घाइते अवस्थामा तत्काल उपचारका लागि प्रदेश अस्पताल पर्वत लगिएको थियो। उपचारका क्रममा उनको शनिबार मृत्यु भएको प्रहरीले जनाएको छ। यस घटनाबारे थप अनुसन्धान भइरहेको छ।
