राहदानी विभागका महानिर्देशक तीर्थराज अर्याललाई अख्तियार दुरुपयोग अनुसन्धान आयोगले प्रधानमन्त्री कार्यालय बालुवाटारबाटै पक्राउ गरेको छ। अर्याललाई सोमबार साँझ नियन्त्रणमा लिइएको हो।
नयाँ राहदानी छपाइमा भइरहेको ढिलासुस्तीबारे छलफल गर्न प्रधानमन्त्री कार्यालयले अर्याललाई बोलाएको थियो। सोही क्रममा अख्तियारले उनलाई पक्राउ गरेको हो।
यसअघि राहदानी छपाइ प्रकरणमा अख्तियारले तत्कालीन अख्तियार प्रमुख प्रेमकुमार राईसँग पनि छलफल गरेको थियो।
पासपोर्ट खरिद प्रकरणको अनुसन्धानमा व्यवसायी सिद्धार्थ थापा पनि प्रहरी नियन्त्रणमा छन्। थापा राष्ट्रिय सभा सदस्य सुनिल थापाका छोरा हुन्।
राहदानी छपाइका लागि टेण्डर पाएको पुरानो कम्पनीको सम्झौता अवधि सकिएको छ। हाल दुई जर्मन कम्पनी मुलबाउर र भेरिडोसले राहदानी छपाइको टेण्डर पाएका छन्।
