राहदानी विभागका महानिर्देशकसहित दुई अधिकारी ४ दिन थुनामा

विशेष अदालतले राहदानी विभागका महानिर्देशक तीर्थराज अर्याललाई ४ दिन थुनामा राखेर अनुसन्धान गर्न अनुमति दिएको छ। सुदर्शनदेव भट्ट, उमेश कोइराला र विदुर कोइरालाको इजलासले अर्याललाई अनुसन्धानका लागि थुनामा पठाएको हो। राहदानी खरिद प्रकरणमा अख्तियार दुरुपयोग अनुसन्धान आयोगले अर्याललाई पक्राउ गरेको थियो। अदालतले विभागका निर्देशक सुनील कुमार रेग्मीलाई पनि ४ दिन थुनामा राख्न अनुमति दिएको छ। अख्तियारले दुवै जनालाई २० दिन थुनामा राखेर अनुसन्धान गर्न माग गरेको थियो। उनीहरुमाथि भ्रष्टाचारजन्य कसुरमा अनुसन्धान भइरहेको छ।