प्रभु साहद्वारा नयाँ राजनीतिक मोर्चाको घोषणा: अत्याचार रोक्न
आम जनता पार्टीका अध्यक्ष प्रभु साहले सरकारका गलत निर्णय, भ्रष्टाचार र महँगीविरुद्ध संघर्ष गर्न नयाँ अग्रगामी राजनीतिक मोर्चा गठन गरिएको बताएका छन्।
जनकपुरधाममा आयोजित एक कार्यक्रममा बोल्दै साहले देशको राजनीति गलत दिशातर्फ मोडिएकाले सही बाटोमा ल्याउन नयाँ शक्तिको आवश्यकता परेको बताए। उनले २००७ सालदेखिको राजनीतिक आन्दोलन सम्झौतामा टुङ्गिँदा जनताले अधिकार पाउन नसकेको उल्लेख गरे।
मोर्चाको लक्ष्य: अत्याचारको अन्त्य
साहले सरकार गिराउने उद्देश्य नभई जनतामाथि भइरहेको अत्याचार रोक्ने मोर्चाको मुख्य लक्ष्य रहेको स्पष्ट पारे। भ्रष्टाचार, महँगी र कुशासन अन्त्यका लागि यो मोर्चाले आवाज उठाउने उनको भनाइ छ।
यो मोर्चाले तत्कालिन रुपमा जनतामाथि भइरहेको अत्याधिक महँगी, भ्रष्टाचार र कुशासनको अन्त्यका लागि आवाज उठाउने र जनतालाई न्याय दिलाउने साहले बताए।
