जनकपुर । नेकपा (माओवादी केन्द्र) का संयोजक पुष्पकमल दाहाल ‘प्रचण्ड’ले मधेसमा पार्टीलाई बलियो बनाउन नसके ठूलो दुर्घटना निम्तिने खतरा रहेको चेतावनी दिएका छन्। बुधबार जनकपुरमा आयोजित नेकपा मधेस प्रदेश एकता बैठक तथा प्रशिक्षण कार्यक्रममा बोल्दै उनले यस्तो बताएका हुन्।
प्रचण्डले मधेसमा पार्टीको सांगठनिक सुदृढीकरण, आन्दोलन र पार्टी निर्माणलाई उच्च प्राथमिकतामा राख्नुपर्नेमा जोड दिए। उनले मधेसमा बलियो पार्टी निर्माणले समग्र देश र कम्युनिस्ट आन्दोलनका लागि ठूलो योगदान पुग्ने विश्वास व्यक्त गरे।
पार्टीभित्रको आन्तरिक व्यवस्थापनबारे बोल्दै प्रचण्डले कार्यविभाजन र जिम्मेवारी बाँडफाँडमा केही तलमाथि भएको स्वीकार गरे। उनले नेता तथा कार्यकर्ताहरूको गुनासो र असन्तुष्टि सम्बोधन गर्नका लागि कार्यविभाजनको पुनरावलोकन गरी सन्तुलन मिलाउने प्रतिबद्धता जनाए।
