राष्ट्रपति रामचन्द्र पौडेलले आज नुवाकोटको बाढी प्रभावित क्षेत्रको अवलोकन गर्ने भएका छन्। उनी सोमबार बिहान बाढी प्रभावित क्षेत्रको निरीक्षण गर्न त्यसतर्फ प्रस्थान गर्ने कार्यक्रम छ।
शीतलनिवास स्रोतका अनुसार राष्ट्रपति पौडेल नेपाली सेनाको हेलिकप्टर प्रयोग गरी नुवाकोटको मैथिल ब्यारेक पुग्नेछन्। त्यहाँबाट उनी प्रभावित क्षेत्रका विभिन्न स्थानमा पुगेर बाढीले पुर्याएको क्षतिको प्रत्यक्ष अवलोकन गर्नेछन्।
अवलोकनपछि राष्ट्रपतिले होल्डिङ सेन्टरमा पुगेर पीडितहरूको अवस्थासमेत बुझ्ने कार्यक्रम रहेको छ। बाढी आएको १३ दिनपछि राष्ट्रपतिले प्रभावित क्षेत्रको अवलोकन गर्न लागेका हुन्।
विज्ञापन
यसैबीच, बाढीको १३ दिन पुगेको अवसरमा आज देशभर राष्ट्रिय शोक मनाउने निर्णय सरकारले गरेको छ।
