प्रधानमन्त्री बालेन्द्र शाहले संसदमा नेपालको सीमाबारे दिएको अभिव्यक्तिलाई लिएर प्रमुख प्रतिपक्षी दलहरूले बैठक अवरुद्ध पारेका छन्। आइतबारको प्रतिनिधिसभा बैठकमा प्रधानमन्त्रीले नेपालले पनि भारतको सीमा मिचेको भन्ने आशयको अभिव्यक्ति दिएका थिए।
प्रमुख प्रतिपक्षी दलहरूको आज बसेको बैठकले प्रधानमन्त्रीले उक्त अभिव्यक्ति सच्याएर माफी माग्नुपर्ने निष्कर्ष निकालेको छ। सीएनपी (माओवादी केन्द्र) का अध्यक्ष युवराज दुलालले अनलाइनखबरसँग कुरा गर्दै प्रधानमन्त्रीले माफी नमागेसम्म संसद चल्न नदिने बताए।
उनले प्रधानमन्त्रीको अभिव्यक्ति राष्ट्रिय हित विपरीत भएको र यसलाई राष्ट्रिय धोकाको संज्ञा दिए। प्रतिपक्षी दलहरूले उक्त अभिव्यक्ति संसदको अभिलेखबाट हटाउन र प्रधानमन्त्रीले सदनमै देशवासी समक्ष माफी माग्न माग गरेका छन्। माग पूरा नभएसम्म संसदको कारबाही अगाडि बढ्न नदिने उनीहरूको अडान छ।
