रसुवामा आएको बाढीबारे सरकारका तर्फबाट परराष्ट्रमन्त्री शिशिर खनालले व्यवस्थापिका संसदलाई जानकारी गराएका छन्। यसअघि गृहमन्त्रीले जानकारी दिने भनिए पनि उनी व्यस्त रहेकाले खनालले सदनमा प्रस्तुत भएका हुन्।
मन्त्री खनालका अनुसार बिहान ८ बजेर ४० मिनेटतिर रसुवाको भोटेकोशी नदीमा ठूलो बाढी आएको थियो। यस बाढीले रसुवा, नुवाकोट र धादिङ जिल्लाका विभिन्न स्थानमा ठूलो क्षति पुर्याएको छ।
प्रारम्भिक सूचना अनुसार, बिहान ८ बजेर ३७ मिनेटमा त्यस क्षेत्रमा गएको भूकम्पले हिमपहिरो झार्दा बाढी आएको हुन सक्ने अनुमान छ। यद्यपि, यो सूचनाको पुष्टि हुन बाँकी रहेको मन्त्रीले बताए।
यसैबीच, प्रधानमन्त्री बालेन शाहले विपद् जोखिम न्यूनीकरण तथा व्यवस्थापन राष्ट्रिय परिषद्को बैठक बोलाएका छन्। मन्त्रिपरिषद्को आकस्मिक बैठक बसेर आवश्यक निर्णय लिइएको र प्रधानमन्त्रीले सबैलाई उद्धार, खोज र राहत कार्यमा खटिन निर्देशन दिएको जानकारी पनि मन्त्री खनालले संसदलाई गराए।
