रौतहटको बौधिमाई नगरपालिका–५ कोपवामा आफ्नै बरफ फ्याक्ट्रीमा तार जोड्ने क्रममा करेन्ट लागेर सञ्चालकको मृत्यु भएको छ।
कोपवाका धर्मलाल जयसवालका ३५ वर्षीय छोरा मनोहरलाल जयसवालको बुधबार दिउँसो फ्याक्ट्रीमा काम गर्ने क्रममा करेन्ट लागेको हो।
जिल्ला प्रहरी कार्यालय रौतहटका प्रहरी नायब उपरीक्षक वसन्त गौतमका अनुसार, जयसवाल आफ्नै बरफ फ्याक्ट्रीमा तार जोड्दै थिए। करेन्ट लागेर गम्भीर घाइते भएका उनलाई उपचारका लागि प्रादेशिक अस्पताल गौर लगिएको थियो।
विज्ञापन
चिकित्सकले अस्पताल पुर्याउँदा नै जयसवाललाई मृत घोषणा गरेका थिए। प्रहरी नायब उपरीक्षक गौतमले जयसवालको शव परीक्षणका लागि गौरस्थित प्रदेशिक अस्पतालमा राखिएको जानकारी दिए।
