खोटाङको दिप्रुङ चुइचुम्मा गाउँपालिका–४ बतासेकी २७ वर्षीया रेश्मिका परियारको हत्यामा संलग्न तीन युवा पक्राउ परेका छन्। प्रहरीले मंगलबार उनीहरूलाई नियन्त्रणमा लिएको हो।
पक्राउ पर्नेमा बतासेका २८ वर्षीय हेमन परियार, छितापोखरीका २५ वर्षीय दीपक श्रेष्ठ र बतासेकै दीपक राई छन्। गत भदौ ३० गते राति परियारको शव फेला परेको थियो।
उच्च अदालत ओखलढुङ्गाको आदेशपछि प्रहरीले तीनै जनालाई नियन्त्रणमा लिएर अनुसन्धान थालेको छ। जिल्ला प्रहरी कार्यालयका सूचना अधिकारी प्रहरी निरीक्षक निराजन बस्नेतले यो पुष्टि गरे।
यसअघि प्रहरीले गत असोज १ गते एक १६ वर्षीय किशोरलाई पक्राउ गरी पुर्पक्षका लागि थुनामा पठाएको थियो।
परिवारले चैत २१ गते तीन जना विरुद्ध किटानी जाहेरी दिएको थियो। सोही जाहेरीमा आधारित उच्च अदालतको आदेशपछि प्रहरीले थप अनुसन्धान थालेको हो।
