संखुवासभाको खाँदबारी नगरपालिका-८ जिरो पोइन्टमा जुवा खेलिरहेका पाँच जनालाई प्रहरीले पक्राउ गरेको छ। आइतबार दिउँसो तिवारीको घरबाट ८९ हजार ८ सय ३० रुपैयाँ नगद र एक बुक तास बरामद भयो।
यस्तै, धनकुटा नगरपालिका-१ हिलेमा जुवा खेलिरहेका आठ जनालाई प्रहरीले नियन्त्रणमा लिएको छ। आइतबार राति विकको घरबाट १ लाख १४ हजार ५ सय ५० रुपैयाँ नगद र चार बुक तास बरामद भएको छ।
पक्राउ परेका १३ जनामाथि प्रहरीले आवश्यक अनुसन्धान अघि बढाएको छ।
