सप्तरी प्रहरीले एक युवाको मर्जीविपरीत जबरजस्ती विवाह गराएको आरोपमा सुरुङ्गा नगरपालिका–९ का २४ वर्षीय मनोज ठाकुरलाई पक्राउ गरेको छ। ठाकुरलाई मञ्जुरी बिना विवाह गराएको कसुरमा हिरासतमा लिइएको छ।
प्रहरीका अनुसार २०८२ साउन ३१ गते सुरुङ्गा–९ स्थित केशव स्मारक जनता माध्यमिक विद्यालय परिसरको सरस्वती मन्दिरमा नागेंद्र यादवको इच्छा र मञ्जुरीविपरीत सोही नगरपालिका–१० की २२ वर्षीया प्रियंका कुमारी यादवसँग जबरजस्ती विवाह गराइएको थियो।
घटनापछि फरार रहेका ठाकुरलाई प्रहरीले खोजतलासका क्रममा सुरुङ्गा–९ बाट पक्राउ गरेको हो। पीडित नागेंद्र यादवले दिएको जाहेरीका आधारमा मुद्दा दर्ता गरिएको छ।
विज्ञापन
जिल्ला अदालत सप्तरीबाट म्याद थप अनुमति लिएर प्रहरीले घटनाको थप अनुसन्धान गरिरहेको छ।
