सर्लाहीको गोडैतामा ४० वर्षीय पुरुषको सडेगलेको बेवारिसे शव फेला परेको छ।
आइतबार साँझ साढे ४ बजे गोडैता–६, बग्दह चिनिमिल नजिक हुलाकी सडक खण्डमा शव भेटियो।
स्थानीयको सूचनापछि प्रहरी चौकी गोडैताबाट टोली घटनास्थल पुग्यो। प्रारम्भिक अनुसन्धानमा मृतकको नाम, थर र ठेगाना खुल्न सकेको छैन।
जिल्ला प्रहरी कार्यालय सर्लाहीबाट प्रहरी निरीक्षक विशाल बहादुर बुढाथोकीको नेतृत्वमा टोली खटिएको छ। शवको पहिचान र घटनाको वास्तविकता पत्ता लगाउने कार्य जारी रहेको प्रहरीले जनायो।
शव पोष्टमार्टमका लागि प्रादेशिक अस्पताल मलंगवामा राखिएको छ। उक्त स्थान प्रहरी चौकी गोडैताबाट करिब ४ किलोमिटर दक्षिणमा पर्छ।
