सिंहदरबारको केन्द्रीय क्यान्टिनमा घुन लागेको चनाको दाल, ओसिएको बदाम र फुटेको अण्डा फेला परेपछि वाणिज्य, आपूर्ति तथा उपभोक्ता संरक्षण विभागले क्यान्टिन सञ्चालक जि एण्ड बि क्याफे ग्रुपलाई दुई लाख एक हजार रुपैयाँ जरिवाना गरेको छ।
विभागको अनुगमन टोलीले क्यान्टिनमा १७ किलो घुन लागेको दाल, ११ किलो ओसिएको बदाम र १४ वटा फुटेको अण्डा भेट्टाएको थियो। टोलीले रु छ हजार पाँच सय ६० बराबरका अखाद्य वस्तु नष्ट गरेको छ।
विभागले भक्तपुरको चाँगुनारायण नगरपालिका–३ स्थित जय छुमा गणेश शुद्ध खानेपानी प्रालिलाई खरिद बिल नराखेको भन्दै १० हजार जरिवाना गरेको छ। आज उपत्यकाका १२ फर्मको अनुगमन गरिएको विभागले जनाएको छ।
