सिराहाको विष्णुपुर गाउँपालिकामा २६ ग्राम १८० मिलिग्राम ब्राउनसुगरसहित एक भारतीयसहित तीन जना पक्राउ परेका छन्। जिल्ला प्रहरी कार्यालय सिराहाका सूचना अधिकारी डीएसपी रमेश बहादुर पालले पक्राउ पर्नेको विवरण दिएका छन्। सिराहाका रामउदगार यादव र राम बिलेक्षण यादव पक्राउ परेका छन्। भारत विहारका चन्दन कामती पनि नियन्त्रणमा छन्।
विशेष सूचनाका आधारमा प्रहरी टोली खटिएको थियो। लागुऔषध नियन्त्रण ब्यूरो गोलबजार र इलाका प्रहरी कार्यालय विष्णुपुरको संयुक्त टोलीले काम गर्यो। विष्णुपुर गाउँपालिका १ मा सिराहाबाट काठमाडौँ जाँदै गरेको बस रोकियो। जाँच गर्दा उनीहरूको साथबाट लागूऔषध बरामद भयो। रामउदगार यादवको साथबाट २६ ग्राम १८० मिलिग्राम ब्राउनसुगर फेला परेको प्रहरीले जनाएको छ। उनीहरूको साथबाट एक थान डिजिटल तराजुसमेत बरामद गरिएको छ।
पक्राउ परेका तीनै जनालाई जिल्ला अदालत सिराहाबाट ७ दिनको म्याद थप गरी थप अनुसन्धान भइरहेको डीएसपी पालले जानकारी दिएका छन्।
