नेपाल राष्ट्र बैंकले विदेशमा अध्ययनरत विद्यार्थीलाई पठाउनुपर्ने कुल रकममा ५ प्रतिशतसम्म थप रकम पठाउन सक्ने व्यवस्था गरेको छ।
केन्द्रीय बैंकले विनिमय दरको अनिश्चिततालाई मध्यनजर गर्दै यो सुविधा ल्याएको हो। यसबाट पठाउनुपर्ने कुल रकममा बढीमा ५ प्रतिशतसम्म थप गरी अमेरिकी डलर वा अन्य परिवर्त्य विदेशी मुद्रा पठाउन सकिनेछ।
राष्ट्र बैंकले विदेशी विनिमय कारोबार गर्ने इजाजतपत्रप्राप्त निकायहरूका लागि जारी गरेको ‘एकीकृत परिपत्र–२०८२’ मा संशोधन गरी यो व्यवस्था लागू गरेको हो।
