सुकुम्बासी व्यवस्थापनको प्रगति विवरण ७ दिनभित्र बुझाउन सरकारलाई निर्देशन

प्रतिनिधि सभाको कानून, न्याय तथा मानव अधिकार समितिले सरकारलाई सात दिनभित्र सुकुम्बासी व्यवस्थापनको प्रगति विवरण बुझाउन निर्देशन दिएको छ। समितिको सोमवार सिंहदरबारमा बसेको बैठकले प्रधानमन्त्री तथा मन्त्रिपरिषद्को कार्यालय र गृह मन्त्रालयलाई यो निर्देशन दिएको हो। होल्डिङ सेन्टरमा रहेका सुकुम्बासी तथा अव्यवस्थित बसोबासीसम्बन्धी यसअघिका निर्देशनहरूको कार्यान्वयन अवस्थाबारे जानकारी मागिएको छ।