मोरङको सुन्दरहरैँचा नगरपालिका– १० स्थित सुकुना माध्यमिक विद्यालयका विद्यार्थीमाथि दुर्व्यवहार प्रकरणमा प्रहरीले झापाका नृत्य प्रशिक्षक भीमप्रसाद नेपाललाई पक्राउ गरेको छ। जिल्ला प्रहरी कार्यालय मोरङले ३९ वर्षीय नेपालमाथि थप अनुसन्धान गरिरहेको छ।
यसअघि छात्रालाई अश्लील म्यासेज पठाएको आरोपमा तीन जना पक्राउ परेका थिए। विद्यार्थीले विरोध प्रदर्शनको तयारी गरेपछि उनीहरू पक्राउ परेका हुन्।
पक्राउ पर्नेमा सुन्दरहरैंचा नगरपालिका– १० का सवारी चालक प्रदीप भट्टराई (४०), वडा नं. २ का शिक्षक किशोरलाल गच्छदार (३०) र वडा नं. १२ का अविरल मास्के (३५) छन्।
