त्रिभुवन विश्वविद्यालयका उपकुलपति प्राडा दीपक अर्याल, शिक्षाध्यक्ष प्राडा खड्ग केसी र रजिस्ट्रार प्राडा केदारप्रसाद रिजालले बिहीबार सामूहिक राजीनामा दिएका छन्। उनीहरूले आफ्नो राजीनामा पत्र प्रधानमन्त्री कार्यालयमा बुझाएका छन्।
पदाधिकारीको राजीनामा
कुलपति एवं प्रधानमन्त्रीको निजि सचिव प्रदिप परियारको ह्वाट्सएपमा पनि राजीनामा पठाइएको छ। शिक्षाध्यक्ष प्राडा खड्ग केसीले आफूहरूले राजीनामा दिएको र पत्र प्रधानमन्त्री कार्यालयमा पठाइएको पुष्टि गरेका छन्।
नयाँ सरकारलाई काम गर्न सहज होस् भन्ने उद्देश्यले आफूहरूले राजीनामा दिएको केसीको भनाइ छ। उनले उपकुलपतिसहित आफूहरू तीनै जनाले सामूहिक राजीनामा दिएको बताए।
- उपकुलपति प्राडा दीपक अर्याल
- शिक्षाध्यक्ष प्राडा खड्ग केसी
- रजिस्ट्रार प्राडा केदारप्रसाद रिजाल
सरकारले राजनीतिक नियुक्ति खारेज गर्ने व्यवस्थासहितको अध्यादेश राष्ट्रपतिसमक्ष सिफारिस गरेपछि त्रिविका पदाधिकारीहरूले राजीनामा दिएका हुन्। यो कदमले विश्वविद्यालयको प्रशासनिक नेतृत्वमा नयाँ नियुक्तिहरूको बाटो खोलेको छ।
