मोरङको उर्लाबारीस्थित सुनझोडा सामुदायिक वनबाट प्रहरीले बेवारिसे अवस्थामा एक थान भरुवा बन्दुक र विस्फोटक पदार्थ बरामद गरेको छ।
मंगलबार राति करिब ९ बजे चोरी शिकारी भइरहेको सूचनामा प्रहरी टोली वन क्षेत्रमा खटिएको थियो।
गस्तीका क्रममा जङ्गलभित्र रातो प्लास्टिकको बोरामा लुकाई राखेको अवस्थामा भरुवा बन्दुक र विस्फोटक पदार्थ फेला परेको हो।
बरामद गरिएका हातहतियार र विस्फोटक पदार्थ इलाका प्रहरी कार्यालय उर्लाबारीमा ल्याइएको छ।
घटनाबारे इलाका प्रहरी कार्यालय उर्लाबारीले थप अनुसन्धान गरिरहेको जिल्ला प्रहरी कार्यालय मोरङका सूचना अधिकारी प्रहरी नायव उपरीक्षक मकेन्द्र कुमार मिश्रले जानकारी दिए।
