अभियन्ता वेदिका केसीलाई प्रहरीको साइबर ब्युरोले पक्राउ गरेको छ। सामाजिक सञ्जालमार्फत व्यक्तिको निजी जीवनबारे भ्रम फैलाएको र आधारहीन आरोप लगाई चरित्रहत्या गरेको उजुरी परेपछि उनलाई पक्राउ गरिएको हो।
साइबर ब्युरोले केसीलाई विद्युतीय अपराध कसुरमा अनुसन्धान थालेको छ। काठमाडौं जिल्ला अदालतबाट अनुसन्धानका लागि एक दिनको म्याद थपिएको छ।
केसीले कथावाचक राधिका दासीलाई लक्षित गरी सामाजिक सञ्जालमा विभिन्न आरोप लगाएकी थिइन्। दासीले ती आरोपहरू प्रमाणविहीन र चरित्रहत्या भएको भन्दै साइबर ब्युरोमा उजुरी दिएकी थिइन्। सोही उजुरीका आधारमा केसीलाई पक्राउ गरिएको हो।
